NTR Biopic Public Talk

0
1932

NTR Biopic Public Talk . NTR Kathanayakudu. Balakrishna Krish . Telugu Stars .NTR biopic is undoubtedly one of the most anticipated films of the year. Bringing to life the tale of the legendary actor, NT Rama Rao, Nandamuri Balakrishna will be essaying the role of the legend, while Vidya Balan will be essaying the role of his first wife, Basavatarakam. Directed by Krish.

యన్.టి.ఆర్-కథానాయకుడు Review

క్యాన్సర్ బారిన పడి ఆసుపత్రిలో చికిత్స పొందుతున్న బసవ తారకం (విద్యా బాలన్) తనతో పెళ్లి తర్వాత రకరకాలుగా మలుపులు తిరిగిన భర్త జీవితాన్ని గుర్తు చేసుకుంటుంది. స్వాతంత్రం అనంతరం రిజిస్టరాఫీసులో ఉద్యోగంలో చేరి.. అక్కడ అవినీతిని తట్టుకోలేక ఉద్యోగానికి రాజీనామా చేసి.. ఆపై సినీ రంగంలోకి అడుగు పెట్టిన ఎన్టీఆర్ ఎలా వెండి తెర ఇల వేల్పుగా ఎదగడం.. ఆపై రాజకీయాల వైపు అడుగులేయడం.. ఇలా ఆయన జీవితాన్ని తరచి చూపిస్తూ సాగే కథ ఇది.

గత ఏడాది సావిత్రి జీవిత కథతో తెరకెక్కిన ‘మహానటి’ బయోపిక్ లకు కొన్ని ప్రమాణాల్ని నిర్దేశించింది. తర్వాత ఏ బయోపిక్ వచ్చినా కూడా దాంతో పోల్చి చూసే పరిస్థితి ఉందిప్పుడు. ఐతే అందరి కథల్లోనూ సావిత్రి జీవితంలో ఉన్నంత డ్రామా.. మలుపులు ఉండకపోవచ్చు. ఎన్టీఆర్ కథనే తీసుకుంటే ఆయన సినీ జీవితంలో ఎత్తులే తప్ప పల్లాలనేవి కనిపించవు. ఆరంభంలో కొంచెం ఒడుదొడుకుల్ని మినహాయిస్తే ఆయన సినీ ప్రయాణమంతా సాఫీగా సాగిపోయిందే. ఇంతింతై అన్నట్లుగా ఎదుగుతూ వెళ్లాడే తప్ప.. ఎన్టీఆర్ ఏనాడూ తన సినీ జీవితంలో వెనుదిరిగి చూసుకోవాల్సిన అవసరం లేదు. ఆయన ఎదుగుదల ఎలా సాగిందన్నది అందరికీ తెలిసిన వ్యవహారమే. రాజకీయ రంగంలో అయినా ఎత్తుపల్లాలున్నాయి కానీ.. సినీ ప్రయాణంలో మాత్రం ఎన్టీఆర్ కు ఎదురన్నది లేదు. ఎన్టీఆర్ రాజకీయ జీవితాన్ని ఎలా చూపిస్తారనే విషయంలో అనేక సందేహాలున్నాయి. ఐతే అదంతా ‘యన్.టి.ఆర్-మహా నాయకుడు’కు సంబంధించిన వ్యవహారం కాబట్టి ఇప్పుడు చర్చ అనవసరం.

ఇక ఎన్టీఆర్ సినిమా కెరీర్ తో పాటు.. ఆయన రాజకీయాల వైపు అడుగులేసే వరకు చూపించిన చిత్రం ‘యన్.టి.ఆర్-కథానాయకుడు’. కథ పరంగా ఇందులో ఎగ్జైట్ చేసే అంశాలు చాలా తక్కువ. కాకపోతే క్రిష్ లాంటి అభిరుచి ఉన్న దర్శకుడుండటం వల్ల తెలిసిన విషయాలే తెరపై కొంచెం అందంగా.. ప్రభావవంతంగా కనిపిస్తాయి. ఎన్టీఆర్ ను ఇష్టపడేవాళ్లకు ఆయన కథను ఇలా చూసుకోవడం మహదానందం కలిగిస్తుంది. మిగతా సగటు ప్రేక్షకుల్ని కూడా ఓ మోస్తరుగానే ఎంగేజ్ చేస్తూ సాగుతుంది ‘యన్.టి.ఆర్’. పెద్దగా మలుపుల్లేని ఎన్టీఆర్ సినీ ప్రయాణాన్ని.. నటీనటులు.. సాంకేతిక నిపుణుల అండతో క్రిష్ ప్రభావవంతంగానే చెప్పే ప్రయత్నం చేశాడు. కానీ కథ పరంగా మాత్రం ఇందులో ఎగ్జైట్ అయ్యే అంశాలు పెద్దగా లేకపోవడం బలహీనత. ఇక ఎన్టీఆర్ పాత్రలో కనిపించడానికి నందమూరి బాలకృష్ణ పడ్డ కష్టం తెరమీద కనిపిస్తుంది కానీ.. యంగ్ ఎన్టీఆర్ గా సగం సినిమా వరకు ఆ పాత్రలో చాలా ఎబ్బెట్టుగా కనిపించి తెగ ఇబ్బంది పెట్టేశాడు. కానీ వయసు మళ్లిన ఎన్టీఆర్ గా మాత్రం బాలయ్య అభినయం మెప్పిస్తుంది. ముఖ్యంగా సినిమాలతో సంబంధం లేకుండా మామూలుగా కనిపించే ఎన్టీఆర్ పాత్రలో బాలయ్య స్క్రీన్ ప్రెజెన్స్.. నటన సినిమాకు ప్రత్యేక ఆకర్షణ.

‘యన్.టి.ఆర్’లో సగటు ప్రేక్షకులు ఆశించే హై పాయింట్స్ పెద్దగా లేవు. ముఖ్యంగా ప్రథమార్ధంలో మలుపులు.. కొత్త విషయాలేమీ లేకపోవడం.. కథ మరీ ఫ్లాట్ గా సాగిపోవడం వల్ల ప్రేక్షకులకు ఒక దశ దాటాక బోర్ కొడుతుంది. సినీ రంగంలో ఎన్టీఆర్ ముద్ర గురించి చూపించే రెండు మూడు ఎలివేషన్లు మాత్రం ఆకట్టుకుంటాయి. అందులో ఒకటి ‘మాయా బజార్’ సినిమా కోసం తొలిసారి కృష్ణుడి పాత్రలోకి ఎన్టీఆర్ పరకాయ ప్రవేశం చేయడం. ఈ సన్నివేశంలో క్రిష్ బలమైన ముద్ర వేశాడు. ఈ సన్నివేశానికి రాసిన లీడ్.. చిత్రీకరణ.. బ్యాగ్రౌండ్ స్కోర్.. అన్నీ కూడా గొప్పగా కుదిరి ప్రేక్షకుల్లో ఒక ఉద్వేగం కలుగుతుంది. అలాగే ‘సీతా రామ కళ్యాణం’ సినిమాతో దర్శకత్వం చేపట్టిన ఎన్టీఆర్ ఆ సినిమా కోసం పడ్డ కష్టం.. ఆపై ‘దాన వీర శూర కర్ణ’ కోసం చేసిన సాహసం.. వీటికి సంబంధించిన ఎపిసోడ్లను బాగా చిత్రించారు. ఇంతకుమించి సినిమాలో హై పాయింట్స్ కనిపించవు. ఎన్టీఆర్ కొడుకు రామకృష్ణ మరణానికి సంబంధించిన ఎమోషనల్ సీన్ కొంచెం కదిలిస్తుంది. ప్రథమార్ధం వరకు అయితే కృష్ణుడి సీన్.. కొడుకు మరణానికి సంబంధించిన ఎపిసోడ్ మాత్రమే కొంచెం ప్రత్యేకంగా అనిపిస్తాయి. యుక్త వయసులో ఉన్న బాలయ్య సెట్టవ్వకపోవడం వల్ల ప్రథమార్ధంలో చాలా సీన్లు అంత ప్రభావవంతంగా అనిపించవు.

LEAVE A REPLY

Please enter your comment!
Please enter your name here